Día do Peón 2022

Dende Brinquedia, Rede Galega do Xogo Tradicional, en colaboración co Concello de Brión, lánzase unha nova convocatoria de celebración do Día do Peón.

Cando? O venres 11 de novembro, día de San Martiño.

Acto central. O evento principal desenvolverase no Concello de Brión, na Carballeira de Santa Minia, ás 12 horas e consistirá no lanzamento colectivo de peóns e bailaretes coas comunidades educativas das escolas infantís dos Ánxeles e Sabaxáns, o CEIP de Pedrouzos e o IES Brión. Tamén haberá a exhibición dun artesán torneiro e un magosto.

Con quen? A lectura do manifesto correrá a cargo de Lucho Penabade, actor, director, guionista e membro do grupo de teatro Os Quinquilláns.

Máis información: http://brinquedia.net