Con motivo da celebración do Día Internacional da Muller, o Concello de Brión subscribe o Manifesto aprobado pola Xunta de Voceiros da FEGAMP na súa xuntanza ordinaria celebrada o 10 de febreiro.
Neste 8 de marzo, no Concello de Brión xunto coa FEGAMP reafirmamos o noso compromiso para seguir visibilizando ás mulleres como xestoras do público, exercendo o poder e eliminando barreiras que aínda dificultan a seu acceso a postos de responsabilidade. Temos a oportunidade en Galicia de seguir pulando por un modelo municipal de desenvolvemento sostible, social, económico e medioambiental, centrado nas persoas, con perspectiva de xénero, con miradas máis plurais e coa igualdade impregnando a organización e a xestión dos concellos.