OUTONO CULTURAL | Teatro | MALASOMBRA: Cotorras

Malasombra Producións presenta en Brión o seu espectáculo "Cotorras"
Unha comedia de Audrey Schebat. Tradución: Rosa Moledo · Adaptación e dirección: Xoque Carbajal

Elenco: Luis Iglesia e Victoria Teijeiro | Voces en off: Neves Rodríguez, Paula Pier e Xoque Carbajal

Xénero: Comedia | Público adulto

Sinopse:

Unha comedia fresca, áxil e mordaz que penetra na vida dunha parella atrapada na rutina. Mentres esperan a chegada duns amigos para cear, o que parecía unha noite calquera convértese nunha sucesión de conversacións, revelacións e reflexións sobre as relacións de parella, as xerarquías, as relacións de poder, a comunicación —ou, máis ben, a falta dela— e esa procura da felicidade que, ás veces, esixe tomar decisións drásticas.

Luis Iglesia e Victoria Teijeiro dan vida a dous personaxes cheos de matices, enfrontados a dilemas que poñerán a proba as súas certezas e farán aflorar as dinámicas de poder e os comportamentos machistas que poden esconderse tras a aparente normalidade dunha relación. Situacións e actitudes que, quizais, moitos homes non recoñecerán en si mesmos, pero que resultarán familiares para moitas mulleres que poderán identificalas nas súas propias relacións ou nas da súa contorna.

DATA: venres 6 de novembro
HORA: 20:30 h.
LUGAR DE CELEBRACIÓN: Centro Social Polivalente

Entrada de balde ata completar capacidade. Reserva obrigatoria de localidades na Billeteira Municipal.

Espectáculo patrocinado pola Rede Cultural da Deputación da Coruña