O alcalde de Brión, Pablo Lago Sanmartín, e o presidente da Real Federación Galega de Fútbol (RFGF), Rafael Louzán Abal, asinaron esta mañá un convenio para a redacción do proxecto de acondicionamento e remodelación do campo de fútbol José Pumar, na parroquia de Bastavales.
O alcalde de Brión, Pablo Lago, e a concelleira de Cultura, Sandy Cebral, veñen de recibir ás patinadoras do Club de Patinaxe Artística Brión, que se preparan para participar nos Campionatos de España do vindeiro 30 de marzo e 1 de abril en Alcoi (Alacante) despois da súa extraordinaria participación no Campionato Galego, onde obtiveron un segundo, un terceiro e un quinto postos.
O Concello de Brión vén de iniciar as obras de mellora do viario de acceso á localidade de Babenzo, na parroquia de Bastavales, na que investirá un total de 268.277,17 euros. Unhas obras executadas pola empresa Construcciones Ponciano Nieto SL ao abeiro do Plan de Obras e Servizos POS+Adicional 2/2022 da Deputación da Coruña.