OUTONO CULTURAL |Teatro profesional: "O Proceso"

A Malasombra Teatro presenta en Brión a obra "O Proceso"

Sinopse:

1880, Curros Enríquez é denunciado polo bispo de Ourense por uns poemas do seu libro "Aires da miña terra", un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o soado escritor é procesado e condenado.

A partir destes feitos históricos Cándido Pazó constrúe unha peza teatral que, en ton de sainete cómico protagonizado por unha galería de personaxes populares do Ourense de finais do XIX, aborda con frescura e desenfado, pero con rigor e reflexión, a cuestión do hoxe en día chamado “lawfare”, así como outros temas (a lingua, a cultura, a identidade...) que seguen vixentes na actualidade.

Público adulto | Drama

DATA: venres, 24 de outubro
HORA: 20:30 h.
LUGAR DE CELEBRACIÓN: Centro Social Polivalente

ENTRADA DE BALDE ata completar a capacidade da sala. É preciso reservar butaca na Billeteira Municipal

Espectáculo co patrocinio da Rede Cultural da Deputación da Coruña