Por resolución desta alcaldía de data 11 de marzo de 2025, aprobáronse as bases e a convocatoria do proceso selectivo para contratar persoal laboral temporal para a brigada de obras destinado á execución de obras e servizos municipais, incluído no Plan de Emprego Local. (Subvención da Deputación da Coruña, Programa PEL-Concellos ano 2025).

O prazo de presentación de instancias será de dez  (10) días naturais dende o seguinte ao da publicación da convocatoria no Boletín Oficial da Provincia.

Con motivo da celebración da proba ciclista O Gran Camiño, The Historical Route, o Concello de Brión informa de que se producirán cortes puntuais de tráfico o domingo 2 de marzo, entre as 12:15 e as 14:30 h., nas zonas do noso municipio por onde discorre a proba: O Tremo (Avenida de Vicente Ramos ata a rotonda de Os Ánxeles), da AC-304 á rotonda da AC-300, pasando por Estrar, Perros, Soutullos e San Salvador de Bastavales, onde os ciclistas xirarán cara Bastavaliños, Soigrexa, Bemil e Osebe.

Por mor da celebración do Entroido, o tráfico rodado terá restrinxida a súa circulación nos lugares indicados entre as 16:00 e as 19:00 h.

Tamén estará prohibido estacionar e circular dende as 9:00 ata as 22:00 h. nas inmediacións da Residencia Servisenior Brión (Comprobar zona no plano adxunto).

Rogamos á veciñanza que evite o uso dos seus vehículos, salvo causa de forza maior, nos lugares e horas indicadas.